ÔSIEDLI


Kożdy potrzebuje swojigo miyjsca na ziymi. Ktoś kanś kieś pedzioł, że „Twoja chałpa może Ci zastōmpić cołki świat, ale cołki świat nie zastōmpi Ci chałpy”. Skuli tego też już przeszlo dziesiynć lot starōmy sie ô to, żeby Rybnik był coroz szumniyjszy. Odnowiōmy jedyn za drugim place i pobudōnki, jak dejmy na to tyn na Paruszowcu w kierym miała biura niegdysiejszo Huta Silesio, abo zabytkowy pobudōnek „Przemysłowo 13”. A sōm to yno nikiere z tych, kiere my wyszykowali na fiksōm fertik bez ôstatni 10 lot. Starōmy sie nie yno ô to, coby znojś ciekawe ôbiekty kiere sōm wert odnowiynio, ale mōmy też poszanowani do jejich otoczynio i historie. Dowōmy też przy tymu pozōr na to, coby kożdo, nawet nejdrobniyjszo rzecz była zrobiōno jak sie noleży.

Osiedli „Parkowo” w Rybniku to je kolejny projekt za kiery my sie wziyni. Przebudowali i wyrychtowali my jak sie noleży dwa pobudōnki, kiere sōm znane rybniczanōm jako downy hotel Rōndo. Wyglōndajōm teraz tak, choby były blank nowe, a to dziynka tymu, że uznali my se, że zostawiymy z nich yno to, co je rychtyk zdrowe. Wszystko inksze, wszelajaki instalacyje, izolacyje, ôcieplynia, deki, grōnta, dźwiyrze i ôkna som zrobiōne od nowa. Żeby cołki osiedli wyglōndało piyknie, ôbstarali my sie ô to, żeby dookoła było dużo zielyni. Po cimoku też nie trza sie boć, bo wszyndy som światła, na auta czekajom parkingi i garaże, a wszystko po to, żeby ci kierzi sie tu przikludzōm, jak i ci kierzi miyszkajōm po blisku, mieli wszelajaki wygody.

W KIERYM MIYJSCU TO JE

JE TO JEDINO TAKO INWESTYCYJO W SAMYM POJSZCZODKU RYBNIKA

Kto tukej zamiyszko, bydzie mioł wszyndy blisko!


DOJEDZIECIE BEZ ŻODNEJ KŌMEDYJE

Na rynek, do tyjatru, do centrōw kultury, na targowisko i do parku na Kozi Gōry.
14 minut szpacyrym pójdziecie i na rybnickim rynku się nojdziecie. A tam już wszystko pod rynkom: szkoły, sklepy, galeryje handlowe i roztomańte werksztele usługowe, w kierych jak se co ôbsztelujecie, to roz dwa bydziecie mieli gotowe.

DOOKOŁA PARK

Jak zaś kto od miejskigo butlu woli trocha ciszy wele siebie, to niech idzie do parku, tam bydzie mioł spokój choby w niebie. Stare dymby, buki i jasiynie kiere już po przeszło sto rokōw majōm, nie yno ciyń, nerwom ukojyni, ale też lepszy luft niż kaj indzi plucom dowajōm.

Jeżeli kto kaj dalij musi rajzować, to poraset metrōw od Osiedlo Parkowo jest Obwodnica Połedniowo, kiero jeżdżoncych po ni autami ludzi, do wszystkich ważnych drōg i wynzłōw drōgowych zakludzi.

BLISKO NA AUTOBUS I NA BANA

A jak cugiym rajzować chcecie, to na banhow za 9 minut piechty zōndziecie. Wolicie miejski autobusy? To na najbliższy przistanek mocie szłapcugiym 3 minuty.

POMIYSZKANIA


Krōm tego, że nasze pomiyszkania sōm odpicowane i wygodne, to sōm ku tymu bardzo bezpieczne a to skuli tego, że ni ma w nich gazu. Som za to instalacyje kiere wyciōngajōm dym i inkszy wszelajaki zużyty luft, a w razie nie dej Boże czego, momy też automatyczne systemy ewakuacyjne.

Na Osiedlu Parkowo jest 69 pomiyszkań o roztomańtym metrażu: od 32 m2 do ponad 100 m2. Wszystki dobrze rozplanowane. Te od wschodnij strōny majōm za ôknami widok na park, a te od zachodnij widok na miasto.

Mōmy do wyboru pomiyszkania we standardzie:

  • deweloperskim,
  • deweloperskim plus (w kierych już je gotowy zol),
  • pomiyszkania gotowe, yno sie wkludzić i czopka powiysić.

GALERYJO